भक्तपुर

नेपाल कम्युनिस्ट पार्टी (एमाले) का अध्यक्ष एवं पूर्वप्रधानमन्त्री केपी शर्मा ओलीका पिता मोहनप्रसाद ओलीको ९७ वर्षको उमेरमा आज निधन भएको छ। भक्तपुरको मध्यपुर ठिमीस्थित नेपाल–कोरियामैत्री अस्पतालमा उपचारका क्रममा उहाँको निधन भएको एमाले पार्टी स्रोतले पुष्टि गरेको हो।

लामो समयदेखि बुढ्यौलीका कारण स्वास्थ्य समस्या झेल्दै आउनुभएका ओलीको स्वास्थ्यमा थप जटिलता देखिएपछि उहाँलाई अस्पताल भर्ना गरिएको थियो। स्व. ओलीका दुई छोरा र तीन छोरी हुनुहुन्छ। जेठो छोराका रूपमा केपी शर्मा ओली नेपाली राजनीतिको शीर्ष तहमा हुनुहुन्छ भने परिवारका अन्य सदस्यहरू समेत सामाजिक कार्यमा संलग्न रहँदै आउनुभएको छ।

अध्यक्ष ओलीको निजी सचिवालयका अनुसार दिवङ्गत ओलीको पार्थिव शरीरलाई आजै पशुपति आर्यघाटमा ल्याइने र राजकीय सम्मानका साथ अन्त्येष्टि गरिने तयारी भइरहेको छ।